Shaam Aati Hai

Mere Ghar Subah Nahin Aati
Sirf Shaam Aati Hai

Thake Se Sooraj Ki Kirnon Pe Savaar
Sunehri  Si Shaam Aati Hai

Pardon Ke Beech Se
Sehem Sehem Ke Shaam Aati hai

Din Bhar Ki Khabron Ko Liye
Evening Postwaali Shaam Aati Hai

Office Se Ghar Aate
Logonwali Shaam Aati Hai

Ek Aur Raat Ka Aaghaaz Liye
Silaeti Shaam Aati Hai

Kucch Der Balcony Pe Letti Hai
Aur Phir Kal Tak Ke Liye Ghaayab Ho Jaati Hai