My nephew, Ashar (lovingly called 'Ashu') turned two last Saturday. I wrote some lines for the occasion and they go like this.
Ashu Miyaan Hamaare
Ashu Miyaan Hamaare
Ab Do Saal Ke Ho Chale
Abhi Kal Hi Ki Toh Baat Hai
Ke Duniya Mein Aaye The
Toothi Phooti Meethi Meethi
Dheeme Baatein Karte Hain
Mummy Papa, Dada Dadi
Naana Naani, Sab Ke Mithaayi Hain
Paani Se Badi Mohabbat Hai
Chap Chap Karte Rehte Hain
Shushu Karne Ke Bahaane
Roz Chaar Dafa Nahaate Hain
Chicken, Ice Cream, Chocolate
Unke Pasand Ki Cheezein Hain
Kucch Aur Khaane Ko Do Toh
Mummy Ko Daudaate Hain
Jab Aashu Miyan, Pehli Baar
Mile Mumbai Ke Monsoon Se
Baadalon Ki Garaj Se Bina Dare
Naachte Gaate Phire Khushi Se
Jo Ghar Mein Nahin Hai
Woh Ophish Gaya Hai
Aur Kucch Raaton Ko Toh
Chand Bhi Ophish Jaata Hai
Miyan, Filmi Bhi Ho Gaye Hain
Item Songs Ko Pettu Gaana Aur
Kucch gaanon Ko Patta nahin Kyon
Maamu Gaana Kehkar Bulaate Hain
Na Jaane Aur Kya Kya Karenge Aage
Lekin Aaj Toh Is Red Bus Ko Kaat Kar
Apni Doosri Saalgirah Manaayenge
Hum Sab Ke Pyaar Ke Beech
That's Ashu Miyan with his charming smile.
