Wednesday, June 19, 2013

Jab

Jab Lamp-posts Se 
Peeli Baarish Girti Hai

Jab Kaali Sadkein
Aayina Ban Jaatein Hain

Jab Patloonein 
Oonchein Ho Jaatein Hain

Jab Joote 
Sehem Sehem ke Chalte Hain

Jab Doctoron Ki
Kamaayi Badh Jaati Hai

Jab Tauliye Ki Duty 
Badh Jaati Hai

Jab Dare Hue Parindey
Khul Ke Ud Nahin Paate

Jab Sheher Ko 
Ek Naya Background Score Mil Jaata Hai

Aur, Baqaul Gulzar 
Jab Pahiye Kulle Karte Hain

Tab, Mumbai Mein
Monsoon Aa Jaata hai